Xitayda qar apti


2008-01-26
Share

Xitayning merkizi we sherqiy rayonlirida qattiq qar yéghishi we nachar hawa shertliri tüpeylidin, shenbe küni qatnash asasen toxtighan bolup, chaghan harpisida yolgha chiqqan on minglighan kishi yolda qalghan.

Xitay axbarat wasitilirining xewer qilishiche, bu qétimqi qar yéghishi nurghunlighan öylerning örülüp chüshüshige we zira'et mehsulatlirining buzulushigha seweb bolghan bolup, meydan'gha kelgen iqtisadiy ziyan 6 milyard 230 milyon yüen'ge yetken. Hemde nachar hawa tüpeylidin yüzbergen mashina hadisiliride onlighan adem ölgen.

Shinxu'a agéntliqining xewer qilishiche, shenbe küni béyjing- guwangju poyiz yoli üstidiki poyiz istansilirida qalghan yolochilar sani 40 mingdin ashqan. Enxuy ölkiside bolsa, hökümet 12 ming kishini qar sewebidin xeterlik rayonlardin bashqa jaylargha yötkigen. Béyjing bilen gu'angdong ölkisi otturisidiki tash yolda qatnash toxtighanliqi tüpeylidin 60 ming kishi yolda qalghan.

Xewerde éytilishiche, hökümet shangxey qatarliq chong sheherlerde, yémekliklerning nerqining örlep kétishining aldini élish üchün jiddiy tedbir élishqa bashlighan.

Xewerlerge qarighanda, xitay hökümet da'iriliri, ötken yili 4.8 Pirsentke yetken pul paxalliqining bu yil qar we nachar hawa shertliri sewebidin téximu örlep kétishidin endishe qilmaqta. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet