Xitayda yüz bergen qar apiti xitay iqtisadigha zor tesir körsitishi mumkin


2008-01-31
Share

Xitay déhqanchiliq sahesi rehberlirining éytishiche, xitayda yüz bergen qar apitining déhqanchiliq mehsulatlirigha körsetken tesiri intayin éghir bolghan bolup, peyshenbe küni xitay metbu'atlirida qar apitining xitayning jenubiy rayonidiki méwe shuningdek köktat ishlepchiqirishigha yoqitish xaraktérlik ziyanlar élip kelgenliki ilgiri sürülgen.

Xitay yéza ‏- igilik sahesidiki yuqiri derijilik bir emeldar muxbirlargha, nöwette özlirining apet keltürüp chiqarghan ziyanlar heqqide téxi toluq statistikiliq melumat élip baralmighanliqini, eger qar apiti izchil türde shimalgha qarap yötkelse hemde qishliq ashliqqa tehdit körsetse, weziyet téximu yamanlishishqa qarap yüzlinidighanliqini éytqan. Bezi tor betliride bu qétimqi apette 77 milyon kishining apetke uchrighanliqi, 24 kishining qaza qilghanliqi hemde apetning 5.4 Milyard amérika dolliri ziyan élip kelgenliki xewer qilin'ghan.

Xitay merkizi hawa rayi idarisining bildürüshiche, xitayning ottura we jenubiy qismi yene bir qétim qehritan soghuqning hujumigha uchraydiken. Hazir xitayning bir qisim jayliridiki poyiz istansisi we ayrupilan istansilirida nechche yüz minglighan adem baridighan menzilige yételmey tosulup qalghan. Uyghur élining jenobiy qismida yüz bergen apet yerlik xelqlerge köp ziyanlarni salghan bolup, peqet qeshqer wilayitidila 65 milyon yüenlik iqtisadi ziyan meydan'gha kelgen. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet