Xitay hawarayi tarmaqliri qara apitige teyyarliq qilalmighanliqini iqrar qildi


2008-02-04
Share

B b s da körsitilishiche, xitay hawarayi mutexessisliri özlirining minglighan ademning kündilik turmushigha biwaste tesir körsetken qara apitige yéterlik we muwapiq teyyarliq qilalmighanliqini iqrar qilghan.

Ötkenki heptilerde xitayning her qaysi jaylirida bolupmu ottura we jenubiy xitay rayonlirida 10 yildin buyan yüz bergen qar apiti xitayda ademlerning ölüshini keltürüp chiqarghandin bashqa éghir iqtisadi ziyan peyda qilghan idi.

B b s da xitay hawarayi bash idarisining bashliqi jéng gogwangning éytqanlirini neqil qilip körsitishiche, xitay hawarayi tarmaqlirining aldin mölcherlesh sewiysi töwen bolup bu nöwetlik shiwirghanning yüz bérish waqti toghrisida bergen aldin melumati toghra chiqmay qalghan.

Uning bildürüshiche yene, xitay hawarayi tarmaqliri bu nöwet arqa ‏- arqidin 4 qétim yüz bergen shiwirghanliq hawaning jeryanini aldin mölcherliyelmigen we ikki qétimliq shiwirghan peyda bolghandin kéyin arqidin yüz béridighan apetni aldin xewer qilalmighan.

Melum bolushiche, bu nöwet xitayda yüz bergen shiwirghan apitide 100 milyon adem apetke uchrighan bolup, körülgen iqtisadi ziyan 54 milyard yüen'ge yetken.

B b s da körsitilishiche yene, apet bir qeder éghir bolghan jenubiy xitay rayonliridiki yerlik hökümetler yol yüzidiki muzgha taqabil turalmighandin sirt, tok yetküzüsh sistémilirimu köp miqdarda yaqqan qargha berdashliq bérelmigen. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet