Xitayning gherbiy qismida yene apet yüz bérishi mumkin


2008-02-11
Share

Xitay herqaysi jaylirida yüz bergen éghir qar apitining zerbisidin toluq qutulup kételmigen bir peytte, xitay hawarayi aldin melumat bérish tarmaqliri, xitayning gherbiy qismidiki bezi rayonlarning shiwirghan apitige uchraydighanliqi heqqide agahlandurush berdi.

Xitay mété'orologiye idarisining bu heqtiki melumatigha qarighanda, xitayning gensu, guyju, chingxey, sichüen qatarliq rayonliri we tibetning bir qisim rayonliri, bu hepte otturisida möldür we yamghurning hujumigha uchraydiken.

Birleshme agéntliqida xewer qilinishiche, ilgiriki apet jeryanida, tok simgha yépishqan qar we muzning köpiyishi bilen nurghun tok yetküzüsh sistémiliri weyran bolghan bolup, hetta üch boghuz tosmisi éléktir istansisining bezi 500 kilowatliq yuqiri bésimliq tok yetküzüsh simlirimu üzülüp ketken.

Shinxu'a agéntliqining xewer qilishiche, hazir tok yollirini 3000 dek herbiy we ishchilar rémont qilishqa kirishken bolup, normal tok yetküzüsh ishliri 3- ayning axirida eslige kélishi mumkin iken.

Aldinqi ayning 10 - künliridin buyan xitayning her qaysi jaylirida yüz bergen éghir qar apiti qatnash toxtap qélish, énérgiye bilen teminlesh üzülüp qélish, netijide bezi zawut ‏- karxanilar ishtin toxtap qilishtek aqiwetlerni keltürüp chiqirip, pütün xitay buyiche 80 adem ölgen 300 ming adem öysiz qalghan. Biwasite iqtisadi ziyan 3 milyard yüen'ge yetken idi.

Bu xil apet Uyghur élining herqaysi jayliridimu oxshimighan derijide yüz bergen bolup, xitay axbarat wasitilirining xewer qilishiche, qeshqer teweside qar apiti keltürüp chiqarghan iqtisadi ziyan 87 milyon yüen'ge, apetke uchrighan amma 300 minggha yetken. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet