Ürümchide, qar leylisini qalaymiqan ishlitilish cheklendi


2005-05-17
Share

Yéqinda ürümchi sheherlik yaylaqlarni nazaret qilish idarisi bilen haywanatlar we ösümlüklerni tekshürüsh xizmet ponkiti birlikte, ürümchidiki her qaysi put yuyush we hösin tüzesh mulazimitini qilidighan orunlarning qar leylisini ishlitishini cheklidi.

Tengritagh xewer torining melumatigha qarighanda, yéqinqi yillardin buyan ürümchidiki bezi put yuyush we hösin tüzesh orunlirida, qar leyliside yasalghan maylarni ishlitish bazar tépip ketken. Shundaqla bu orunlar hetta héchqandaq qanunluq resmiyiti bolmighan asastimu, öz aldigha qar leylisini pishshiqlap ishlepchiqirish ishliri bilen shoghullinidiken.

Mezkur orunlar chiqarghan uqturushta yene, héchqandaq resmiyiti bolmighan orun we shexslerning qar leylisi tijariti bilen shoghullinishigha bolmaydighanliqi, qar leylisining peqet ayrodrom, poyiz istansisi, chong soda sarayliri we dorixanilardila sétilishqa bolidighanliqi körsitilgen.

Uyghur élidiki qimmetlik ösümlük hésablinidighan qar leylisining dorigerliktiki qimmiti yuqiri bolupla qalmastin, u, ékologiyilik muhitini qoghdashtimu muhim rolgha ige. Uning üstige qar leylisining ösüshi bir qeder asta bolup, adette qarleylisi uruqining bix sürishidin tartip güli échilghiche 5 yil waqit kétidiken. Eger uni qoghdash xizmitini waqtida élip bérilmisa, nöwettiki weziyet boyiche 30yilgha qalmighan waqit ichide qarleylisi yersharidin pütünley yoqilidiken. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet