Қар ләйлиси қалаймиқан үзүлмәктә


2004-08-06
Share

Кишиләрниң қалаймиқан үзүш паалийәтлири сәвәбидин, уйғур елиниң тәңри теғида өсидиған қиммәтлик дорилиқ өсүмлүк қар ләйлиси йоқулушқа қарап йүзләнмәктә.

Хитай һөкүмитигә қарашлиқ тәңритағ тор бетиниң хәвиридин ашкарилинишичә, бу ай қар ләйлисиниң дәл ечилидиған мәзгили болғачқа, нурғунлар тағқа чиқип, қар ләйлисини кәң көләмдә үзмәктә икән. Чаршәнбә күнидики тәкшүрүштила, үрүмчи җәнубий теғи әтрапида бир кишиниң 200 данә қар ләйлисини йилтизидин қомуруп алғанлиқи байқалған.

Уйғур елидики қар ләйлисиниң сани өткәнки он нәччә йилда җиддий төвәнләп кәткән. Статискиларға қариғанда, 1988 - йили уйғур елидә 30 милйон данидәк қарләйлиси бар болуп, нөвәттә аран үч милйонға йеқини қалған. Қалаймиқан үзүлгәнликтин бу хил дорилиқ өсүмлүк йоқилишқа қарап йүзләнгән .

Хитай һөкүмити гәрчә қар ләйлисини қалаймиқан үзүшни чәкләйдиғанлиқини билдүргән болсиму, әмма бу һәқтә үнүмлүк тәдбирләрни қолланмиди. Мәлуматларға қариғанда, хитайдики башқурғучи тармақлар, қар ләйлисини қанунсиз үзгән, сатқанларға пәқәт бирәр йүз йүән җәриманә қоюп, башқа һечқандақ мәсулийәтни сүрүштүрмәйдикән. Нәтиҗидә бу қар ләйлисиниң йәнила кәң көләмдә пилансиз вә қанунсиз үзүлишини кәлтүрүп чиқарған. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт