Qaraqash nahiyiside ottura mektep oqughuchilirimu bölgünchilik sewebidin qolgha élin'ghan

 Teywen merkizi agéntliqining muxbiri xoten wilayiti qaraqash nahiyilik saqchi idarisigha weqe heqqide sürüshtürüsh élip bérip téléfun urghanda, xitay saqchi xadimi, bu yil 23 ‏ - martta yüz bergen namayishta qolgha élin'ghanlar arisida ottura mektep oqughuchiliri bar ikenlikige iqrar qilip, mezkür déloni aptonom rayonluq jama'et xewipsizlik nazaritining biwaste bir terep qilghanliqini bildürgen.

Uchur merkizi qaraqashta yüz bergen namayishtin xewerdar bir kishining sözini neqil keltürüp, 23 ‏ - martta yüz bergen namayishning, hökümet da'irilirining yer asti diniy pa'aliyet teshkilatlirining oqutush ishlirini cheklishi sewebidin meydan'gha kelgenlikini, namayishtin bir kün burun naraziliq bildürgüchiler bilen saqchilar otturisida toqunush yüz bergenlikini tekitlidi.

23 ‏ - Mart küni, qaraqash nahiyiside 500 kishilik namayish qozghalghan bolup, namayishchilar hökümetke bolghan naraziliqini bildürüsh üchün teshwiq waraqliri tarqatqan. Hökümetning qoralliq saqchilarni ishqa sélip élip barghan basturush herikitide 10 din artuq Uyghur éghir derijide yarilinip, 30 din artuq Uyghur qolgha ilin'ghan idi.