Uyghur élidiki bir qara xumdan taqiwétildi

Jenubiy jonggu seherlik gézitining 17‏- noyabir küni xewer qilishiche, xitay da'iriliri Uyghur élide kichik yashtiki balilar, méyiplar we eqli- hushi jayida bolmighan kishilerni qulluq tüzümi bilen, künde 20 sa'et ishletken bir qara xumdanni taqiwetken.

Xewerde éytilishiche, urumchi emgekni küzütüsh guruppisining bashliqi lin jongging, mezkur qara xumdan qanunsiz ishlitilgenliki hemde qanunsiz ishchi ishletkenliki üchün taqiwitilgenlikini tekitligen.

Gézitining xewirige qarighanda, qara xumdan igiliri déhqanlarni, kichik balilarni we méyiplarni ishqa élip, ularni etigen sa'et 5tin yérim kiche sa'et 2 giche, künde 20 sa'ettin oshuq ishleshke mejburlighan.

Jenubiy jonggu seherlik gézitining mezkur qara xumdandin qichip qutulghan, bir ishchining sözlirini neqil keltürüshiche, xumdan igiliri ishchilarning sirt bilen alaqe qilishini qattiq cheklep, ularni dawamliq urup- qiynaydiken. Shundaqla bolupmu méyiplarni toxtimay ishletsimu, lékin ularning ma'ashlirini bermeydiken.

Jenubiy jonggu seherlik gézitining bildürüshiche, xitay da'iriliri, Uyghur élidiki bu qara xumdanni taqap, xumdan igilirige ishchilarning ma'ashlirini bérish toghrisida buyruq chüshürgen hemde ularning qanun boyiche jawabkarliqqa tartilidighanliqini tekitligen.

Xewerde éytilishiche, Uyghur élidiki shinnen adwokatlar shirkitining, adwukati gen wédong, öz waqtida ishchilarning bundaq éghir ékspilatatsiye qilinishining aldini almighanliqi üchün, qanun organliri we saqchi da'irilirini qattiq eyibligen. (Ömer qanat)