Qarimay waqesining heqiqiy mahiyiti ashkarilandi

Xitay merkizi téléwiziye istansisi muxbirining 1994‏- yili 12‏-ayning 8‏-küni qarimayda yüz bergen 288 oqughuchining ölömige seweb bolghan tiyatirxanigha ot kétish weqesining heqiqiy emeliy ehwali heqqide teyyarlan'ghan programmini torbetlerde pash qilishi, bu weqe heqqide 12 yildin béri yoshurun'ghan heqiqetlerni ashkarilidi hemde pütün xitayda chong munazire qozghidi.

12 Yil burun mezkur weqe heqqide xitay merkizi téléwiziye istansisining muxbiri chen yawwen teripidin teyyarlan'ghan lékin xitay hökümitining cheklimisige uchrighan höjjetlik filimgha qarighanda, tiyatirxanigha ot ketkende, awal partiye we hökümet emeldarlirining tiyatirxanidin chiqishi üchün, oqughuchilarning orunliridin turushigha ruxset qilinmighanliqi, 288 oqughuchining köyüp ölüshide muhim rol oynighan.

Xitay hökümitining buyruqi bilen 12 yildin béri körstilmigen bu höjjetlik filimning chen yawwen teripidin tor bétige qoyolghanliqi, yéqinqi künlerde xitayda bu weqe heqqide yéngi munazirilerning bashlinishigha seweb bolghan. Bu munaziriler xitay metbu'atini bu weqening heqiqiy mahiyitini tunji qétim étirap qilishqa mejburlighan.(Ömer qanat)