Қарашәһәр наһийисидә чарвичилар билән муһапизәтчиләр арисида тоқунуш йүз бәрди


2005-05-25
Share

Уйғур ели байнғулин моңғул аптоном областиниң қарашәһәр наһийиси дәнзил йезисидики 30 дин ошуқ чарвичи, уларниң бу йәрдики қумушлуқта қой беқишиға йол қоймиған муһапизәтчи хадимлар билән тоқунушуп қалған.

Германийидики шәрқий түркистан учур мәркизиниң мәлум қилишичә, мәзкур хәвәр "байнғулин гезити" дә елан қилинған болуп, 19 - май күни 30 нәччә чарвичи миңға йеқин қой-калини бу йәрдики қумушлуқта беқиватқан вақтида, 8 нәпәр муһапизәтчи хадим уларниң қойлирини қумушлуқтин қоғлап чиқарған.

Буниңдин ғәзәпләнгән чарвичилар йезидики башқа чарвичиларни чақирип келип, муһапизәтчи хадимлар билән тутушуп қалған һәмдә арисидики икки хадимни уруп яриландурған.

Хәвәрдә көрситилишичә, дәнзел йезисиниң йеза башлиқи бәхтияр әли, йезилиқ сақчиханиниң хадимлири билән биллә нәқ мәйданға келип, чарвичиларға бирәр саәтчә нәсиһәт қилғандин кейин, чарвичилар андин қайтишқа қошулған.

Бу йәрдики чарвичиларниң әзәлдин тартип қой-калилирини беқип кәлгән қумушлуқлар бир-бирләп ичкиридин кәлгән хитайларға көтиригә берилгәндин кейин, чарвичиларниң бу йәрдә мал отлитиши чәклимигә учриған. Шу сәвәбтин мәзкур райондики чарвичилар һазир бу әһвалдин интайин нарази болмақта. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт