Qarasheher nahiyiside charwichilar bilen muhapizetchiler arisida toqunush yüz berdi


2005.05.25
Share on WhatsApp
Share on WhatsApp

Uyghur éli bayn'ghulin mongghul aptonom oblastining qarasheher nahiyisi denzil yézisidiki 30 din oshuq charwichi, ularning bu yerdiki qumushluqta qoy béqishigha yol qoymighan muhapizetchi xadimlar bilen toqunushup qalghan.

Gérmaniyidiki sherqiy türkistan uchur merkizining melum qilishiche, mezkur xewer "bayn'ghulin géziti" de élan qilin'ghan bolup, 19 - may küni 30 nechche charwichi minggha yéqin qoy-kalini bu yerdiki qumushluqta béqiwatqan waqtida, 8 neper muhapizetchi xadim ularning qoylirini qumushluqtin qoghlap chiqarghan.

Buningdin ghezeplen'gen charwichilar yézidiki bashqa charwichilarni chaqirip kélip, muhapizetchi xadimlar bilen tutushup qalghan hemde arisidiki ikki xadimni urup yarilandurghan.

Xewerde körsitilishiche, denzél yézisining yéza bashliqi bextiyar eli, yéziliq saqchixanining xadimliri bilen bille neq meydan'gha kélip, charwichilargha birer sa'etche nesihet qilghandin kéyin, charwichilar andin qaytishqa qoshulghan.

Bu yerdiki charwichilarning ezeldin tartip qoy-kalilirini béqip kelgen qumushluqlar bir-birlep ichkiridin kelgen xitaylargha kötirige bérilgendin kéyin, charwichilarning bu yerde mal otlitishi cheklimige uchrighan. Shu sewebtin mezkur rayondiki charwichilar hazir bu ehwaldin intayin narazi bolmaqta. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet