Уйғур елиниң алтай яйлақлирида чашқан апити йүз бәрди


2007-05-15
Share

Йәр шари һава келиматиниң иссиши билән,йеқиндин буян уйғур елидә чашқанлар сани шиддәт билән көпийишкә башлиған.

Уйғур елиниң алтай районидики һайванатлар башқуруш идарисиниң мәсули алтай районидики яйлақларда чашқан апитиниң йүз бериватқанлиқини тәкитләп " бултур қиш пәслидин башлап бу йил 4 ‏- айға қәдәр, алтай яйлақлирида "бала чашқанлар " ниң көпийиши илгирики йиллардикидин тез болуп, туғулишиму бурунқиға қариғанда бир ай алдиға сүрүлди" дәп билдүрди.

Статистикиларға қариғанда, алтайниң бултур қиштики һава келимати илгирики йиллардикигә қариғанда 4 градус әтрапида юқири болған һәмдә яққан қар миқдариму наһайити аз болған.

Шинхуа агентлиқи тәрипидин берилгән хәвәрдә тәкитлинишичә, бу қетимқи чашқан апити алтайдики 2 милйон гектарға йеқин яйлаққа зор тәһдит елип кәлгән. Бу уйғур елиниң шималий қисмидики җайниң 20% ни игилигән. Бу қетимқи чашқан апити йәнә йәрлик хәлқ арисида юқумлуқ кесәлликләрни кәлтүрүп чиқириши мумкин икән. (Меһрибан)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт