Uyghur élining altay yaylaqlirida chashqan apiti yüz berdi


2007-05-15
Share

Yer shari hawa kélimatining issishi bilen,yéqindin buyan Uyghur élide chashqanlar sani shiddet bilen köpiyishke bashlighan.

Uyghur élining altay rayonidiki haywanatlar bashqurush idarisining mes'uli altay rayonidiki yaylaqlarda chashqan apitining yüz bériwatqanliqini tekitlep " bultur qish peslidin bashlap bu yil 4 ‏- aygha qeder, altay yaylaqlirida "bala chashqanlar " ning köpiyishi ilgiriki yillardikidin téz bolup, tughulishimu burunqigha qarighanda bir ay aldigha sürüldi" dep bildürdi.

Statistikilargha qarighanda, altayning bultur qishtiki hawa kélimati ilgiriki yillardikige qarighanda 4 gradus etrapida yuqiri bolghan hemde yaqqan qar miqdarimu nahayiti az bolghan.

Shinxu'a agéntliqi teripidin bérilgen xewerde tekitlinishiche, bu qétimqi chashqan apiti altaydiki 2 milyon géktargha yéqin yaylaqqa zor tehdit élip kelgen. Bu Uyghur élining shimaliy qismidiki jayning 20% ni igiligen. Bu qétimqi chashqan apiti yene yerlik xelq arisida yuqumluq késelliklerni keltürüp chiqirishi mumkin iken. (Méhriban)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet