Хотән қаштеши қалаймиқан қезиш нәтиҗисидә йоқап кетиш гирдабиға дуч кәлмәктә


2006-08-28
Share

Дуняға мәшһур байлиқлардин бири болған хотән қаш теши, қалаймиқан қезиш сәвәбидин бузғунчилиққа учримақта. Мутәхәсисләрниң билдүрүшичә, әгәр қаш теши қезиш һәрикити мушундақ давамлашса бәш - алтә йилдин кейин, хотән қаш теши пүтүнләй қуруп кетидикән.

Хитай мәтбуатлириниң бу һәқтики хәвәрлиригә қариғанда, нөвәттә, қаш теши әң көп тепилидиған йоруңқаш дәряси бойида қаш теши қезиш үчүн 2000 миң киран вә 200 миң адәм топланған болуп, қаш теши содигири сәмәт турахун мухбирға, өзиниң 3 айдин буян, йәр астини 10 нәччә метир чоңқурлуқта қезипму қаш теши тапалмиғанлиқини билдүргән.

Хотән, хитай бойичә әң чоң қаш теши базиси һесаплиниду. Күзәткүчиләрниң ейтишичә, хитай содигәрләр, хотәнликләрдин қаш тешини әрзан баһада сетивелип, қаш теши содигәрлиригә қиммәт баһада сетип бейиғандин сирт, йәнә пул тепишни мәқсәт қилған хитай аққунлириниң қалаймиқан қаш теши қезиши нәтиҗисидә, хотән қаш теши йоқап кетиш гирдабиға йәткән.

Хотән районлуқ су идариси, йоруңқаш дәрясиниң икки қирғиқида давамлишиватқан, қалаймиқан қаш теши қезиш һәрикитиниң, екилогийилик тәңпуңлуқни бузидиғанлиқини вә зор көләмдә су вә тупрақ көчүш һадисисини мәйданға кәлтүрдиғанлқиини иқрар қилған.

Бирақ, һөкүмәт һазирға қәдәр хитайларни асас қилған қаш теши содигәрлириниң, бу хил бузғунчилиқ һәриктини қәти чәкләш һәққидә һечқандақ бир чарә тәдбир қолланмиди. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт