Xoten qashtéshi qalaymiqan qézish netijiside yoqap kétish girdabigha duch kelmekte


2006.08.28
Share on WhatsApp
Share on WhatsApp

Dunyagha meshhur bayliqlardin biri bolghan xoten qash téshi, qalaymiqan qézish sewebidin buzghunchiliqqa uchrimaqta. Mutexesislerning bildürüshiche, eger qash téshi qézish herikiti mushundaq dawamlashsa besh - alte yildin kéyin, xoten qash téshi pütünley qurup kétidiken.

Xitay metbu'atlirining bu heqtiki xewerlirige qarighanda, nöwette, qash téshi eng köp tépilidighan yorungqash deryasi boyida qash téshi qézish üchün 2000 ming kiran we 200 ming adem toplan'ghan bolup, qash téshi sodigiri semet turaxun muxbirgha, özining 3 aydin buyan, yer astini 10 nechche métir chongqurluqta qézipmu qash téshi tapalmighanliqini bildürgen.

Xoten, xitay boyiche eng chong qash téshi bazisi hésaplinidu. Küzetküchilerning éytishiche, xitay sodigerler, xotenliklerdin qash téshini erzan bahada sétiwélip, qash téshi sodigerlirige qimmet bahada sétip béyighandin sirt, yene pul tépishni meqset qilghan xitay aqqunlirining qalaymiqan qash téshi qézishi netijiside, xoten qash téshi yoqap kétish girdabigha yetken.

Xoten rayonluq su idarisi, yorungqash deryasining ikki qirghiqida dawamlishiwatqan, qalaymiqan qash téshi qézish herikitining, ékilogiyilik tengpungluqni buzidighanliqini we zor kölemde su we tupraq köchüsh hadisisini meydan'gha keltürdighanlqi'ini iqrar qilghan.

Biraq, hökümet hazirgha qeder xitaylarni asas qilghan qash téshi sodigerlirining, bu xil buzghunchiliq heriktini qet'i cheklesh heqqide héchqandaq bir chare tedbir qollanmidi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.