Xoten qash téshining tragidiyisi dunya metbu'atlirida diqqet qozghidi

Xoten qash téshini qalaymiqan qézish dolquni rayonda éghir ékilogiyilik buzghunchiliqni keltürüp chiqarghanliqi toghrisidiki xewerler dunya metbu'atlirining diqqitini qozghidi.

Britaniye axbarat shirkiti b b s bu xewerni "payda élishni közligen bir top qash téshi qazghuchilar, yorungqash deryasida bulang - talang xaraktirlik qézish élip barmaqta, " dep xewer qildi.

Fransiye axbarat agéntliqi bu heqtiki uchurida béyjing uniwérsititining proféssori wang shichining sözini neqil keltürüp, " qalaymiqan qézish bu sür'et bilen mangsa, yorungqash deryasidiki xoten qash téshi 5 - 6 yil ichide ghayip bolidu, " deydu.

Gérmaniye axbarat agéntliqi, xoten qash téshini qalaymiqan qézish bilen yorngqash deryasining ikki qirghizidiki 2000 yilliq mediniyetning xani-weyran bolush xewpige duch kéliwatqanliqini bildürdi. "Xitay kömürchilik xewerler" gézitining eskertishiche, bu yil yazda sani 20 mingtin 30 mingghiche bolghan xitay köchmini yongrungqash deryasi boyiche qash téshi qazghan. Gérmaniye axbarat agéntliqi, bu weziyetni " yerlik da'iriler qash téshi qézish qizghinliqini cheklesh tedbiri almighan, " dep yazdi.

Xoten da'irilirining ashkarilishiche, bu yil yazda 50 qash téshi qézish ruxsetnamisi we yorungqash deryasining boyidiki her géktar yer 6000 somghiche xitay shirketlirige talashturup sétilghan. (Erkin)