Qurban seypidin 13 yildin béri inisini öltürgen qatilni jazalitalmidi

2007-09-20
Élxet
Pikir
Share
Print

Uyghur aptonom rayonining merkizi ürümchide qurban seypidin isimlik bir Uyghur puqrasi, inisini öltürgenliki sewebidin ölüm jazasigha höküm qilin'ghan wu pemililik qatilni jazalitalmay yaki tölem pulini alalmay 13 yildin béri dawa qilmaqta.

Xitay metbu'atlirining xewer qilishiche, qurban seypidin we uning a'ilisi xitay dölet organlirining inisini öltürgen qatilni jazalimay qoyup bergenlikige narazi bolup, dölettin 5 milyon 130 ming yüen iqtisadiy , jismaniy we meniwiy ziyanni tölep bérishni telep qilip 13 yildin béri toxtimay erz qilghan bolsimu, lékin hazirghiche uning erzi bir terep qilinmighan shundaqla yéqinda u, Uyghur aptonom rayoni yuqiri sot mehkimisining derwazisi aldigha shikayetname ésip, dert peryadini ipadiligen.

Qurban seypidinning inisi muhemmed seypidin, 1994 -yili 9 - ayning 20 - küni wu yawféng isimlik bir xitay teripidin öltürüwétilgen idi. Wu yawféng shu küni dollar sodisi bilen shughullinidighan muhemmetni 60 ming dollar pulum bar, yüen'ge almashturmaqchi, dégen bahane bilen bir öyge aparghandin kéyin, dollarchini öltürüwétip, uning yénidiki 520 ming yüen pulini élip qachqanda tutulup qalghan idi.

Weqedin kéyin ürümchi sheherlik ottura sot mehkimisi wu yawfénggha ölüm jazasi bergen, yuqiri sot mehkimisi ölüm jazasini testiqlighan bolsimu, lékin wu yawféng uzun ötmey qoyup bérilgen. Lékin qurban seypidin inisining xun heqqini hazirghiche alalmay kelgen. Shu sewebtin u, dölettin 5 milyon 130 ming yüen tölem puli telep qilmaqta. (Erkin)

Pikirler (0)
Share
Toluq bet