Uyghur éli bilen rusiyining sibiriye rayoni arisida biwaste qatnash yoli échilmaqchi


2005-04-07
Share

Uyghur aptunum rayoni bilen rusiye fédratsiyisining sibiriye rayoni, ikki terep arisida biwaste qatnash yoli yasashqa kélishti.

Xitay hökümet metbu'atlirining xewirige qarighanda, xitayning Uyghur aptonum rayonigha qoyghan partkom sékritari wang léchüen charshenbe küni kechte sibiriyidin kelgen rusiye wekiller ömiki bilen körüshüp, bu mesilini muzakire qilghan.

Wang léchüenning bildürüshiche, sibiriyige tutishidighan yolning Uyghur aptonum rayonidiki böliki 260 kilométir kélidiken. Buning 140 kilométiri eslide bar yol bolup, qalghan 120 kilométir yolni yasap chiqishqa toghra kélidiken. Xitay hökümiti buning üchün bir milyard yü'en pul ajratqan.

Emma xitay da'iriliri xewiride, mezkur biwaste qatnash yolining qachan pütidighanliqi we konkért qaysi liniyini asas qilidighanliqi tilgha élinmighan.

Rusiyining sibiriye rayonida néfit bayliqi mol bolup, xitayning néfitke bolghan éhtiyajining barghansiri éshishi bilen, xitay hökümiti rusiyining sibiriye rayoni bilen bolghan alaqisini kücheytishke alahide qiziqmaqta. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet