ئۇيغۇر ئېلىدىكى يەتتە شەھەر خىتاي بويىچە قاتناش ۋە توشۇش تۆگىنى قاتارىغا كىرگۈزۈلدى

خىتاي ئۆزىنىڭ غەربىي، ئوتتۇرا ۋە جەنۇبىي ئاسىيا بىلەن بولغان سودا - ئىقتىساد ئالماشتۇرۇش ئېھتىياجىنىڭ كۈنسايىن ئېشىۋاتقانلىقىنى نەزەرگە ئېلىپ، ئۇيغۇر دىيارىدىكى يەتتە شەھەرنى خىتاي بويىچە نۇقتىلىق توشۇش تۆگىنى قاتارىغا كىرگۈزۈلدى.
مۇخبىرىمىز ئۈمىدۋار خەۋىرى
2008-05-25
Share

 بۇ شەھەرلەر ئاساسلىقى ئۇيغۇر ئېلىنىڭ شەرقى ۋە شىمالىي قىسمىغا جايلاشقان بولۇپ، تارىم ۋادىسىدىكى شەھەرلەر ئىچىدە قەشقەر بۇ قاتارغا كىرگۈزۈلگەن.قالغانلىرى ئۈرۈمچى، قۇمۇل، كورلا. غۇلجا، كۈيتۈن، شىخەنزە قاتارلىقلاردۇر.

شىنخۇئا ئاگېنتلىقىنىڭ كۆرسىتىشىچە، ئۇيغۇر ئېلى خىتاينىڭ غەربىدىكى 5600 كىلومېترلىق چېگرا لېنىيىسىگە ئىگە بولۇپ، سەككىز دۆلەت بىلەن تۇتىشىدۇ. بۇ سەۋەبتىن ئۇيغۇر دىيارى خىتاينىڭ چەت ئەللەرگە قاتنايدىغان قاتناش يوللىرى ئەڭ كۆپ، توشۇش دائىرىسى ئەڭ ئۇزۇن، قاتناشقا قېتىم سانى ئەڭ كۆپ جاي بولۇشتەك ئەۋزەللىككە ئىگە. ئۇنىڭ ئۈستىگە يەنە ئۇيغۇر دىيارى خىتاي بويىچە دۆلەت ئىچى ۋە چەت ئەللەرگە ئايروپىلان قاتنايدىغان ئايرودروملار ئەڭ كۆپ جايلاشقان مۇھىم ھاۋا قاتناش تۆگىنى بولۇپ ھېسابلىنىدىكەن. ئۇيغۇر ئېلىدىكى ئەنە شۇ بىر قاتار شەھەرلەر خىتاي ئىچى ۋە سىرتىغا قاتنايدىغان ھاۋا، تاش يول، تۆمۈر يول قاتارلىق قاتناش لىنىيىلىرىنىڭ ھەممىسى بىراقلا جايلاشقان شەھەرلەر بولۇپ قالغان.

نۆۋەتتە، خىتاينىڭ ئاساسلىق ئېچىش نىشانى ئۇيغۇر ئېلىنىڭ جەنۇبىغا قارىتىلغان بولۇپ، قەشقەرنى غەربتىكى شېنجېن قىلىپ، غەربىي ئاسىيانىڭ سودا ۋە ئىقتىساد مەركىزىگە ئايلاندۇرۇش ئىستراتېگىيىسى ئەمەلگە ئاشۇرۇلماقتا. شۇڭا ھازىر قەشقەر ۋىلايىتى تەۋەسىدە خىتاي نوپۇسى تېز سۈرەتتە كۆپەيتىلمەكتە ئىكەن.
 

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت