Уйғур илида 2004 - йили үч миңға йеқин адәм қатнаш вәқәсидә өлди

Уйғур аптоном районида 2004 -йили бир йил ичидә һәр хил қатнаш вәқәлиридә өлгән кишиләрниң сани үч миңға йетип қалған. Аптоном районлуқ җамаәт хәвпсизлик назарити қатнаш идарисиниң ашкарилишичә, аптоном район бойичә қатнаш вәқәсидә өлгәнләрниң сани 2892 нәпәр болуп, яриланғанларниң сани 8900 дин ашқан.

Қатнаш идариси, өткән бир йил ичидә аптоном район бойичә 8374 қетим қатнаш вәқәси йүз бәргәнликини елан қилди. Қайнаш вәқәсидә өлгәнләр ичидики миңға йеқин киши, машина сүритиниң тезликидин келип чиққан вәқәләрдә өлгән.

Қатнаш даирилириниң билдүрүшичә, өткән бир йили йүз бәргән қатнаш вәқәлириниң қетим сани, келип чиққан иқтисади зиянниң омуми соммиси шундақла яриланғанларниң сани алдинқи йилдикидин азлиған болсиму бирақ, өлгәнләрниң сани 9.5٪ Көпәйгән. "Үрүмчи кәчлик гезити" ниң хәвиридә көрситилишичә, қатнаш вәқәсидә өлгәнләр хотән, қарамай, қумул қатарлиқ җайларда көпәйгән. Алтай, үрүмчи, шихәнзә, турпан, чөчәк қатарлиқ җайларда азайған. Җамаәт хәвпсизлик назарити, қатнаш вәқәсидә өлгәнләрниң қанчилики хитай қанчиликиниң уйғурлиқини апшкарлимиған. (Әркин)