Uyghur ilida 2004 - yili üch minggha yéqin adem qatnash weqeside öldi

Uyghur aptonom rayonida 2004 -yili bir yil ichide her xil qatnash weqeliride ölgen kishilerning sani üch minggha yétip qalghan. Aptonom rayonluq jama'et xewpsizlik nazariti qatnash idarisining ashkarilishiche, aptonom rayon boyiche qatnash weqeside ölgenlerning sani 2892 neper bolup, yarilan'ghanlarning sani 8900 din ashqan.

Qatnash idarisi, ötken bir yil ichide aptonom rayon boyiche 8374 qétim qatnash weqesi yüz bergenlikini élan qildi. Qaynash weqeside ölgenler ichidiki minggha yéqin kishi, mashina sür'itining tézlikidin kélip chiqqan weqelerde ölgen.

Qatnash da'irilirining bildürüshiche, ötken bir yili yüz bergen qatnash weqelirining qétim sani, kélip chiqqan iqtisadi ziyanning omumi sommisi shundaqla yarilan'ghanlarning sani aldinqi yildikidin azlighan bolsimu biraq, ölgenlerning sani 9.5٪ Köpeygen. "Ürümchi kechlik géziti" ning xewiride körsitilishiche, qatnash weqeside ölgenler xoten, qaramay, qumul qatarliq jaylarda köpeygen. Altay, ürümchi, shixenze, turpan, chöchek qatarliq jaylarda azayghan. Jama'et xewpsizlik nazariti, qatnash weqeside ölgenlerning qanchiliki xitay qanchilikining Uyghurliqini apshkarlimighan. (Erkin)