Уйғур дияридики таш йолларда адәм өлүш вәқәлири көпәймәктә


2005-06-19
Share

Уйғур елидики шинҗаң радио истансисиниң учуриға қариғанда уйғур аптоном районлуқ қатнаш сақчи даирилири йеқиндин буян юқири сүрәтлик таш йолларда өлүм һадисилириниң көпийип кәткәнликини етирап қилип, санлиқ мәлумат елан қилған. Уларниң мәлуматичә, 4-айдин 6-айғичә болған арилиқта 18 қетим вәқә йүз берип,21 адәм өлгән. Иқтисадий зиян 326миң йүәндин ешип кәткән.

Қатнаш сақчи даирилири буниң сәвәбиниң асаслиқи чоң типтики йүк аптомобил шопурлириниң иқтисадий пайдини көзләп, кечидә һарғинлиқ һалитидә машина һәйдиши шундақла нормидин вә чәктин ашуруп адәм һәм йүк қачилаш қатарлиқлардин келип чиққанлиқини билдүргән.

Хәвәрдә көрситилишичә, қатнаш сақчи даирилири йол үстидә нормидин ашуруп йүк вә адәм қачилаш ишлирини тәкшүрүш понкитлириниң аз һәм сақчиларниң хизмәт һоқуқ даирисиниң чәклик икәнликини көрситип, сақчиларға техиму көп һоқуқ бериш вә тәкшүрүш понкитлирини көпәйтишни тәләп қилған.

Әмма, көзәткүчиләрниң билдүришичә, қатнаш вәқәсиниң көпләп келип чиқишидики йәнә бир сәвәб улар шопурлуқ салаһийитигә тошмиған кишиләрниңму арқа ишик арқилиқ шопурлуқ кинишкиси һәл қилиши вә башқилар биләнму мунасивәтлик икән.

Уларниң қаришичә тәкшүрүш понкитлирини көпәйтишниң йәнә бир мәқсити бар болуп ,бу уйғурларниң қаршилиқ һәрикәтлиригә зәрбә беришни асасий муддиа қилидикән. Хитай сақчи даирилири бурундинла йол үстидә көплигән тәкшүрүш понкитлири вә чарлаш орунлирини қуруп, униң хизмитигә әһмийәт берип кәлгән. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт