Uyghur diyaridiki tash yollarda adem ölüsh weqeliri köpeymekte
2005.06.19
Uyghur élidiki shinjang radi'o istansisining uchurigha qarighanda Uyghur aptonom rayonluq qatnash saqchi da'iriliri yéqindin buyan yuqiri süretlik tash yollarda ölüm hadisilirining köpiyip ketkenlikini étirap qilip, sanliq melumat élan qilghan. Ularning melumatiche, 4-aydin 6-ayghiche bolghan ariliqta 18 qétim weqe yüz bérip,21 adem ölgen. Iqtisadiy ziyan 326ming yü'endin éship ketken.
Qatnash saqchi da'iriliri buning sewebining asasliqi chong tiptiki yük aptomobil shopurlirining iqtisadiy paydini közlep, kéchide harghinliq halitide mashina heydishi shundaqla normidin we chektin ashurup adem hem yük qachilash qatarliqlardin kélip chiqqanliqini bildürgen.
Xewerde körsitilishiche, qatnash saqchi da'iriliri yol üstide normidin ashurup yük we adem qachilash ishlirini tekshürüsh ponkitlirining az hem saqchilarning xizmet hoquq da'irisining cheklik ikenlikini körsitip, saqchilargha téximu köp hoquq bérish we tekshürüsh ponkitlirini köpeytishni telep qilghan.
Emma, közetküchilerning bildürishiche, qatnash weqesining köplep kélip chiqishidiki yene bir seweb ular shopurluq salahiyitige toshmighan kishilerningmu arqa ishik arqiliq shopurluq kinishkisi hel qilishi we bashqilar bilenmu munasiwetlik iken.
Ularning qarishiche tekshürüsh ponkitlirini köpeytishning yene bir meqsiti bar bolup ,bu Uyghurlarning qarshiliq heriketlirige zerbe bérishni asasiy muddi'a qilidiken. Xitay saqchi da'iriliri burundinla yol üstide köpligen tekshürüsh ponkitliri we charlash orunlirini qurup, uning xizmitige ehmiyet bérip kelgen. (Ümidwar)
Munasiwetlik maqalilar
- Onsu nahiyiside qatnash weqesi yüz berdi
- Uyghur éli bilen rusiyining sibiriye rayoni arisida biwaste qatnash yoli échilmaqchi
- Uyghur élide yüz bergen partlashlarda 14 kishi öldi
- Uyghur ilida 2004 - yili üch minggha yéqin adem qatnash weqeside öldi
- Pukangdiki kömür kanda yüz bergen gaz partlash weqeside adem öldi