Уйғур аптоном районида еғир қатнаш вәқәси йүз бәрди


2006.05.22
Share on WhatsApp
Share on WhatsApp

Уйғур аптоном райониниң қәшқәр вилайитидә йәкшәнбә күни чүштин кейин бир йолучилар аптобуси қатнаш һадисисигә учрап һазирғичә 14 адәм өлгән вә 18 адәм яриланған.

Йәрликтики қатнаш сақчилириниң ашкарилишичә, йолучилар аптобусидики бир кичик балиниң һазирғичә из дерикини алалмиған. Қатнаш вәқәси күни чүштин кейин саәт 5: 50 ләрдә қәшқәр вилайитиниң йеңишәһәр наһийисидики 315 - номурлуқ ташйолда йүз бәргән болуп, вәқә йүз бәргән йолучилар аптобуси қәшқәр шәһиридин йеңисар наһийисигә китивататти. Қатнаш сақчилириниң әскәртишичә, йолучилар аптобуси йеңишәһәр наһийисидики қумбаш әтрапида бир көрүктин өтиветип контролини йоқитип қойған вә аптобус дәряға чүшүп кәткән.

Хитай мәтбуатлири вәқә йүз бәргән аптобусдики йолучиларниң санини 33 әтрапида болуши мумкин, дәп елан қилди. Лекин сақчилар аптобусдики йолучиларниң ениқ сани һазирғичә мәлум әмәс, дәп тәкитлимәктә. Лекин бу хәвәр елан қилинғичә 14 йолучиниң өлгәнлики мәлум болди вә 18 йолучи дохтурханиға ятқузулған. Аптобусни рози мәмәт исимлик 27 яштики йеңисарлиқ бир уйғур яш һәйдигән. Вәқә тәкшүрүлүш басқучида китиватиду. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.