Uyghur aptonom rayonida éghir qatnash weqesi yüz berdi


2006-05-22
Share

Uyghur aptonom rayonining qeshqer wilayitide yekshenbe küni chüshtin kéyin bir yoluchilar aptobusi qatnash hadisisige uchrap hazirghiche 14 adem ölgen we 18 adem yarilan'ghan.

Yerliktiki qatnash saqchilirining ashkarilishiche, yoluchilar aptobusidiki bir kichik balining hazirghiche iz dérikini alalmighan. Qatnash weqesi küni chüshtin kéyin sa'et 5: 50 lerde qeshqer wilayitining yéngisheher nahiyisidiki 315 - nomurluq tashyolda yüz bergen bolup, weqe yüz bergen yoluchilar aptobusi qeshqer shehiridin yéngisar nahiyisige kitiwatatti. Qatnash saqchilirining eskertishiche, yoluchilar aptobusi yéngisheher nahiyisidiki qumbash etrapida bir körüktin ötiwétip kontrolini yoqitip qoyghan we aptobus deryagha chüshüp ketken.

Xitay metbu'atliri weqe yüz bergen aptobusdiki yoluchilarning sanini 33 etrapida bolushi mumkin, dep élan qildi. Lékin saqchilar aptobusdiki yoluchilarning éniq sani hazirghiche melum emes, dep tekitlimekte. Lékin bu xewer élan qilin'ghiche 14 yoluchining ölgenliki melum boldi we 18 yoluchi doxturxanigha yatquzulghan. Aptobusni rozi memet isimlik 27 yashtiki yéngisarliq bir Uyghur yash heydigen. Weqe tekshürülüsh basquchida kitiwatidu. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet