Ürümchide yüz bergen egeshme qatnash weqesining shopuri gu'angdungda tutuldi


2006-07-14
Share

Bu yil 6 - ayning 23 - küni ürümchi shehirining xétyen yolida yüz bergen we 3 Uyghurni öz ichige alghan 7 kishining ölüshini keltürüp chiqarghan egeshme qatnash weqesini peyda qilip qéchip ketken mashinining shopuri go'angdungda qolgha élindi.

Shinxu'a axbarat agéntliqining xewer qilishiche, tutqun mushu yekshenbe küni gu'angdungdin Uyghur aptonom rayonigha élip kélinishi mumkin. Jawapkar 6 - ayning 23 - küni xétyen yolida ikki miyip kishini uriwétip qéchip ketkendin kéyin, qazadarlarni qutquzush üchün neq meydan'gha yétip barghan ikki saqchi we kömür kan doxturxanisining 3 neper qutquzush xadimini, arqidin kelgen yene bir mashina soqiwétip 5 adem ölgen.

Ölgenlerning ichide 1944 - yildin 1949 - yilghiche mewjut bolup turghan sherqiy türkistan jumhuriyitining merhum rehbiri exmetjan qasimining xanimi mahinur qasimining kömürkan doxturxanisida séstira bolup ishleydighan jiyen qizi saniye extem bar idi.

Arqidin kélip urghan mashinining shopuri neq meydanda qolgha élin'ghan we soraq jeryanida uxlap qalghanliqini iqrar qilghan, lékin 1 - qétim weqe peyda qilghan mashinining shopuri saqchilar kelgiche qéchip ketken idi. Saqchi terep qéchip ketken shopurni tutup bergüchilerge 10 ming yüen mukapat béridighanliqini jakarlighan. Weqe yüz bérip 20 kündin kéyin gu'angdungda qolgha élin'ghan shopur 30 yashlardiki bir er kishi bolup, metbu'atta uning ismi élan qilinmidi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet