Xitay jama'et xewipsizlik ministirliqi yéngi bir qattiq zerbe bérish herikiti bashlimaqchi

Xitay jama'et xewipsizlik minstirliqining mu'awin minstiri liyu jénggaw, xitay saqchi qisimlirigha yéza-kentlerdiki ijtima'iy tertipsizliklerge qarshi turush üchün, bir ay dawamlishidighan bir heriket bashlash toghrisida buyruq chüshürgen.

Liyu, peyshenbe küni ötküzülgen muxbirlarni kütüwélish yighinida bergen bayanatida," saqchilar bu bir ayliq heriket jeryanida, yéza ahalisining bixeterlikige kapaletlik qilish üchün,bu heriketni tekshürüsh ishlirige we yéza-kentlerdiki ijtima'iy tertipsizliklerning da'irisini éniqlash qatarliq mesililerge merkezleshürüshi kérek," dégen. Xitay jama'et xewipsizlik minstirliqining mu'awin ministirining éytishiche, bu heriket jeryanida, asasliqi, qéchip yürgen jinayetchiler we qaraqol guruppilar, yéza mehsulatlirini oghurlawatqan kishiler, saxta mehsulat satqanlar, kichik balilar, ayallarni élip qachidighan kishi we guruppilar hemde zeherlik chékimlik, partlatquch dora we qoral-yaraq etkeschiliri nishan qilinidiken.

Shinxu'a agéntliqining xewer qilishiche, saqchilargha bu heriket jeryanida, qanunsiz diniy pa'aliyetlerni we diniy teriqetlerni basturush toghrisida buyruq chüshürülgen. (Ömer qanat)