Uyghur élide chiqiwatqan qattiq boran tüpeylidin tömür yol we hawa yolliri tosulup qaldi


2007.05.22

Shinxu'a agéntliqining 5 ‏- ayning 22 ‏- küni ürümchidin bergen xewiridin melum bolushiche, 22 ‏- maydin 23 ‏- maygha qeder, Uyghur élining sherqi we shimalidiki jaylirida, 12 baldin yuqiri qattiq boran chiqip, qatnash yollirigha zor buzghunchiliq we qolaysizliqlarni élip kelgen.

Xewerde körsitilishiche, yéqinqi ikki kün ichide, Uyghur élining alataw we turpan shamal éghizidiki boranning sür'iti sékuntigha 47 métir tézlikte bolup, bir qisim shamal éghizi rayonlirida, shamal küchi 13 balgha yetken.

Ürümchi sheherlik poyiz istansisidiki xizmetchilerning melum qilishiche, hazir Uyghur élining jenubiy rayonlirigha qatnawatqan poyizlarning hemmisi qatnashtin pütünley toxtitip qoyulghan.

Ürümchidiki xelq'ara ayrodromdin igiligen xewerge qarighanda, xitay ölkilirige uchidighan bir qisim ayrupilanlarningmu boran tüpeylidin uchush mumkinchiliki bolmighan.

Bu yil Uyghur élide qattiq boran tüpeyli, köp qétim qatnash toxtap qélish weqesi yüz bergen. 5 ‏- Ayning 18 ‏- küni, ürümchi we turpan otturisidiki yuqiri sür'etlik tashyol üstide, qattiq boran 3 aptomobilni örüwetken؛ 5 ‏- ayning 9 ‏- küni, qumulgha baridighan 312 ‏- nomurluq tashyol boran tüpeyli 13 sa'ettin artuq tosulup qalghan؛ 2 ‏- ayning 28 ‏- küni ürümchidin aqsugha qatnaydighan 5807 ‏- qétimliq yoluchilar poyizi 13 bal qattiq boranda aghdurulup kétip, köpligen yoluchilar ölgen we yarilan'ghan idi. (Méhriban)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.