Қазақистан призиденти назарбайеф уйғур илини зиярәт қилди

Уйғур аптоном районини зиярәт қилған қазақистан призденти нурсултан назарбайеф , 24 - сентәбир күни ғулҗида аптоном раюн парткоминиң секритари ваң лечүән билән " қорғас хәлқара чегра һәмкарлиқ мәркизи " қуруш келишимигә имза қойди.

Қазақистан призидентиниң уйғур аптоном районидики икки күнлүк зиярити қорғас еғизидин башланған. Ваң лечүән қазақистан призидентини қорғас еғизида күтивалди. Ваң лечүән билән қазақистан - уйғур аптоном райони ортақ көңүл бөливатқан мәсилиләр бойичә сөһбәт елип барған қазақистан призденти, чегра районларни өз ичигә алған икки дөләтниң һәр қайси саһәләрдики һәмкарлиқи, икки дөләт хәлқиниң өз ара чүшиниш вә ишәнчисини илгири сүрүп, һәр икки тәрәпкә әмәлий мәнпәәт йәткүзиду дәп тәкитлигән.

Ваң лечүән болса иш башлаш алдидики атису - алатав нефит турубисиниң стратигийәлик әһмийити зорлиқини илгири сүрүп, биз қазақистан билән болған һәмкарлиқ саһәсиниң көлимини кеңәйтишни халаймиз дәп көрсәткән . Назарбайевниң уйғур аптоном районидики зиярити 24 вә 25 - сентәбир күнлири елип берилди.Күзәткүчиләр, қазақистан - уйғур аптоном райони оттурисидики "қорғас чегра һәмкарлиқ келишими" гә аптоном районниң али мәмурий әмәлдари болған исмайил тиливалди әмәс, бәлки партком секритари ваң лечүәнниң қол қойғанлиқи хәлқара һоқуқ өлчәмләрдики дипломатик тәртипкә уйғун кәлмәйду дәп қариған . Йәнә бәзи көзәткүчиләр, қазақистан приздентиниң или қазақ аптоном области мәркизи ғулҗини зиярәт қилғанлиқи диққәт қилишқа әрзийдиған йеңилиқ дәп баһалашмақта. (Әркин)