Qazaqistan prizidénti nazarbayéf Uyghur ilini ziyaret qildi


2004-09-26
Share

Uyghur aptonom rayonini ziyaret qilghan qazaqistan prizdénti nursultan nazarbayéf , 24 - séntebir küni ghuljida aptonom rayun partkomining sékritari wang léchü'en bilen " qorghas xelq'ara chégra hemkarliq merkizi " qurush kélishimige imza qoydi.

Qazaqistan prizidéntining Uyghur aptonom rayonidiki ikki künlük ziyariti qorghas éghizidin bashlan'ghan. Wang léchü'en qazaqistan prizidéntini qorghas éghizida kütiwaldi. Wang léchü'en bilen qazaqistan - Uyghur aptonom rayoni ortaq köngül böliwatqan mesililer boyiche söhbet élip barghan qazaqistan prizdénti, chégra rayonlarni öz ichige alghan ikki döletning her qaysi sahelerdiki hemkarliqi, ikki dölet xelqining öz ara chüshinish we ishenchisini ilgiri sürüp, her ikki terepke emeliy menpe'et yetküzidu dep tekitligen.

Wang léchü'en bolsa ish bashlash aldidiki atisu - alataw néfit turubisining stratigiyelik ehmiyiti zorliqini ilgiri sürüp, biz qazaqistan bilen bolghan hemkarliq sahesining kölimini kéngeytishni xalaymiz dep körsetken . Nazarbayéwning Uyghur aptonom rayonidiki ziyariti 24 we 25 - séntebir künliri élip bérildi.Küzetküchiler, qazaqistan - Uyghur aptonom rayoni otturisidiki "qorghas chégra hemkarliq kélishimi" ge aptonom rayonning ali memuriy emeldari bolghan ismayil tiliwaldi emes, belki partkom sékritari wang léchü'enning qol qoyghanliqi xelq'ara hoquq ölchemlerdiki diplomatik tertipke uyghun kelmeydu dep qarighan . Yene bezi közetküchiler, qazaqistan prizdéntining ili qazaq aptonom oblasti merkizi ghuljini ziyaret qilghanliqi diqqet qilishqa erziydighan yéngiliq dep bahalashmaqta. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.