Qazaqistan tashqi ishlar ministiri Uyghur aptonom rayonini ziyaret qilidu


2006.02.20
Share on WhatsApp
Share on WhatsApp

Qazaqistan tashqi ishlar ministirliqi bayanatchisi yérjan ashiqbayéwning ashkarilishiche, qazaqistan tashqi ishlar ministiri qasim jümert toqayéw 2- ayning axirliri Uyghur aptonom rayonining merkizi ürümchi'ini ziyaret qilidiken.

Emma toqayéwning Uyghur aptonom rayonida élip baridighan ziyariti qandaq mesililerge chétilidighanliqi we uning ürümchide kimler bilen uchrishidighanliqi élan qilinmidi. Qazaqistan xitayning shangxey hemkarliq teshkilatidiki muhim shériki shundaqla Uyghur aptonom rayoni qazaqistanning xitay bilen bolghan soda - iqtisadi we bixeterlik jehettiki muhim ötkili.

Qazaqistan hökümiti sherqiy türkistan küchlirining qazaqistan zéminida xitaygha qarshi pa'aliyet élip bérishigha yol qoymaydighanliqi we qazaqistan'gha qéchip chiqqan Uyghur musapirlirigha xelq'ara musapirlar ehdinamisi boyiche mu'amile qilmaydighanliqi heqqide wede bergen. Qazaqistan tashqi ishlar ministirliqi bayanatchisining eskertishiche, qasim jümert toqayéwning ürümchide élip baridighan ziyariti uning 26 - féwraldin 1 - martqiche béyjingda élip baridighan ziyaritining bir qisimi iken.

Yérjan ashikbayéw düshenbe küni astanida élan qilghan bayanatida, " bu ziyaret xitay bash ministiri wén jyabaw, dölet komisari tang jyashüen we xitay tashqi ishlarministiri li jawshinglar bilen boludighan uchrishishlarni öz i'ichige alidu " dédi. Uning eskertishiche, terepler xelq'ara we rayon xaraktérlik mesililer, ikki döletning siyasi, iqtisadi we medeniyet jehettiki üz‏ - ara munasiwetliri boyiche muzakire élip baridiken. Emma u, muzakirining konkrét mezmunini ashkarilimidi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.