Қазақистан призиденти назарбайеф уйғур илини зиярәт қилди

Қазақистан призденти нурсултан назарбайефниң уйғур аптоном районидики хизмәт зиярити җүмә күни башланди. Қазақистан призденти икки күнлүк зиярити җәрянида уйғур аптоном районидики юқири дәриҗилик даириләр билән көрүшүп, иқтисади вә мәдәнийәт һәмкарлиқи асасидики икки тәрәп мәнпәәтигә четилидиған мәсилиләр бойичә сөһбәт елип бариду.

Сөһбәт темисиниң йәнә қатнаш - транспорт вә көп тәрәплимилик мәбләғ селиш мәсилилиригә четилидиғанлиқи илгири сүрүлмәктә.Хитай мәтбуатлири, қазақистан призидентиниң уйғур илидики зиярити җәрянида хитай - қазақистан оттурисидики енергийә, тәбиий газ вә електир күчи саһәсидики һәмкарлиқ истиқбали үстидә музакирә елип баридиғанлиқини илгири сүргән.

Хитай билән қазақистан оттурисидики атасу - алатав нефит туруба қурулуши 28 - сентәбирдин иш башлайду. Ғулҗа, қазақистан призидентиниң уйғур аптоном районидики зиярәт сәпириниң йәнә бир бекити. Хитай мәтбуатлириниң ашкарлишичә, назарбайеф ғулҗида қазақистан билән хитай оттурисидики қорғас чигра сода һәмкарлиқ мәркизи қуруш келишимигә имза қойидикән. Көзәткүчиләрниң билдүрүшичә, хитай билән қазақистанниң иқтисади һәмкарлиқ мунасивити күчийиватқан болсиму, бирақ улар оттурисида һәл қилишқа тегишлик бәзи ихтилаплар йәнила сақланмақта. Бу ихтилаплар, или - ертиш дәрялириниң су тәқсимати, илидики қазақларниң қазақистанға көчүш мәсилиси, нефит турубиси ятқузуш, йәр иҗаригә елиш, шундақла чегра мәсилисидин қепқалған ихтилапларни өз ичигә алиду.(Әркин)