Qazaqistan prizidénti nazarbayéf Uyghur ilini ziyaret qildi


2004-09-24
Share

Qazaqistan prizdénti nursultan nazarbayéfning Uyghur aptonom rayonidiki xizmet ziyariti jüme küni bashlandi. Qazaqistan prizdénti ikki künlük ziyariti jeryanida Uyghur aptonom rayonidiki yuqiri derijilik da'iriler bilen körüshüp, iqtisadi we medeniyet hemkarliqi asasidiki ikki terep menpe'etige chétilidighan mesililer boyiche söhbet élip baridu.

Söhbet témisining yene qatnash - transport we köp tereplimilik meblegh sélish mesililirige chétilidighanliqi ilgiri sürülmekte.Xitay metbu'atliri, qazaqistan prizidéntining Uyghur ilidiki ziyariti jeryanida xitay - qazaqistan otturisidiki énérgiye, tebi'iy gaz we éléktir küchi sahesidiki hemkarliq istiqbali üstide muzakire élip baridighanliqini ilgiri sürgen.

Xitay bilen qazaqistan otturisidiki atasu - alataw néfit turuba qurulushi 28 - séntebirdin ish bashlaydu. Ghulja, qazaqistan prizidéntining Uyghur aptonom rayonidiki ziyaret sepirining yene bir békiti. Xitay metbu'atlirining ashkarlishiche, nazarbayéf ghuljida qazaqistan bilen xitay otturisidiki qorghas chigra soda hemkarliq merkizi qurush kélishimige imza qoyidiken. Közetküchilerning bildürüshiche, xitay bilen qazaqistanning iqtisadi hemkarliq munasiwiti küchiyiwatqan bolsimu, biraq ular otturisida hel qilishqa tégishlik bezi ixtilaplar yenila saqlanmaqta. Bu ixtilaplar, ili - értish deryalirining su teqsimati, ilidiki qazaqlarning qazaqistan'gha köchüsh mesilisi, néfit turubisi yatquzush, yer ijarige élish, shundaqla chégra mesilisidin qépqalghan ixtilaplarni öz ichige alidu.(Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet