Uyghur déhqanlarning amanet qerz élishidiki qiyinchiliqlarni asanlashturush telep qilindi


2005.03.15
Share on WhatsApp
Share on WhatsApp

Uyghur aptonom rayonluq pul - mu'amile nazaret qilish idarisidiki da'iriler, aptonom rayonluq yéza amanet qerz kopiratipining bu yilqi etiyazliq térilghu üchün, 6 milyard 100 milyon yüen amanet qerz sommisi ajratqanliqini élan qildi. Amma béyjingda xelq qurultiyining memliketlik yighinigha qatnashqan Uyghur wekiller, rayondiki déhqanlarning amanet qerz élishi qiyinliqini otturigha qoyghan.

Pul - mu'amile nazaret qilish idarisidiki da'iriler, yéza amanet qerz kopiratipining sirtida aptonom rayonning namratlarni yölesh amanet qerz sommisi üchün 150 milyon yüen ajratqanliqini shundaqla yéza igilik bankisining 250 milyon yüen qerz pul tarqatqanliqini bildürgen.

Yuqiriqi pullar Uyghur aptonom rayonining jenubidiki 6 wilayet we oblastidiki 520 ming namrat nopusning déhqanchiliq eshyalirini sétiwélishi üchün qerz bérilidiken. Biraq xitay xelq qurultiyining memliketlik yighinigha qatnashqan turpan wilayitining walisi abdulla qasim, qurultayning 8 - marttiki guruppa muzakiriside Uyghur aptonom rayonidiki "yéza - kentler we ottura - kichik tiptiki karxanilarning amanet qerz élish qiyinliqini hel qilish" ni telep qilghan.

Yighinda xitay dölet kabinti gherbiy rayonni échish ishxanisining mu'awin bashliqi wang jinshyang, amanet qerz élishning qiyinliqi " xoten rayonida eng éghir", dep tekitligen.

Radi'omizgha téléfon qilghan Uyghur déhqanlar, rayondiki xitay déhqanlarning amanet qerz élish mesiliside héchqandaq tosalghu yoqliqini bildürmekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet