Хитай қәшқәрни "ғәрбтики шенҗен" қилип чиқмақчи

Хитай һөкүмити қәшқәрни, оттура асия вә җәнубий асиядики иқтисадий түгүнгә айландуруп, уни "ғәрбтики шенҗен" қилип қуруп чиқмақчи болған.

Уйғур аптоном районлуқ радио истансисиниң хәвиригә қариғанда, қәшқәр вилайәтлик йәрлик парткомниң муавин секритари вә қәшқәр вилайитиниң муавин валиси зоң җйән 3 - айниң 1 - күни үрүмчидә бу пиланни елан қилған болуп, улар йәнә, бу йил 5 - айниң 10 - күнидин 12 - күнигичә қәшқәр шәһиридә "қәшқәр, оттура вә җәнубий асия сода йәрмәнкиси" уюштурушни пилан қилған.

Қәшқәр шәһириниң муавин шәһәр башлиқи ваң җйәнхуаниң билдүришичә, нөвәттә қәшқәр шәһири өзи билән чегралишидиған һиндистан вә қирғизистан қатарлиқ 7 дөләткә вә хитайниң ичкири өлкилиригә 1100 парчә тәклип хети йоллиған.

Уйғур мәдәнийитиниң бөшүки болған қәшқәр шәһири, қәдимий "йипәк йоли" дики муһим бир түгүн болуп, күзәткүчиләр нөвәттә хитай елип бериватқан қәшқәрни ечиш пиланиниң хитай аққунлирини бу йәргә техиму җәлп қилип, йәрлик мәдәнийәткә сәлбий тәсир йәткүзишидин әндишә қилмақта. (Пәридә)