Xitay qeshqerni "gherbtiki shénjén" qilip chiqmaqchi


2005-03-02
Share

Xitay hökümiti qeshqerni, ottura asiya we jenubiy asiyadiki iqtisadiy tügün'ge aylandurup, uni "gherbtiki shénjén" qilip qurup chiqmaqchi bolghan.

Uyghur aptonom rayonluq radi'o istansisining xewirige qarighanda, qeshqer wilayetlik yerlik partkomning mu'awin sékritari we qeshqer wilayitining mu'awin walisi zong jyen 3 - ayning 1 - küni ürümchide bu pilanni élan qilghan bolup, ular yene, bu yil 5 - ayning 10 - künidin 12 - künigiche qeshqer shehiride "qeshqer, ottura we jenubiy asiya soda yermenkisi" uyushturushni pilan qilghan.

Qeshqer shehirining mu'awin sheher bashliqi wang jyenxu'aning bildürishiche, nöwette qeshqer shehiri özi bilen chégralishidighan hindistan we qirghizistan qatarliq 7 döletke we xitayning ichkiri ölkilirige 1100 parche teklip xéti yollighan.

Uyghur medeniyitining böshüki bolghan qeshqer shehiri, qedimiy "yipek yoli" diki muhim bir tügün bolup, küzetküchiler nöwette xitay élip bériwatqan qeshqerni échish pilanining xitay aqqunlirini bu yerge téximu jelp qilip, yerlik medeniyetke selbiy tesir yetküzishidin endishe qilmaqta. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet