Qeshqerde " ottura asiya, gherbiy we jenubiy asiya soda yermenkisi" ötküzüldi

Uyghur élining jenubidiki eng chong sheher, Uyghurlarning qedimi diyari qeshqer shehiride ikki - üch kündin buyan qeshqer ottura - gherbiy we jenubiy asiya soda yermenkisi ötküzüldi.
Muxbirimiz ümidwar xewiri
2008.06.29

 Xitay merkiziy hökümitining qeshqerni ottura, gherbiy we jenubiy asiya iqtisadi chembiriki qilish istratégiyilik orunlashturushining bir ipadisi hésablan'ghan mezkur yermenkige qoshna döletlerdin pakistan, tajikistan, qirghizistan, qazaqistan, türkiye, özbékistan we bashqa bir qisim döletler hem xitayning ichkiri ölkilirining karxanchiliri qatnashqan bolup, gerche süpet we soda miqdari hem jelp qilin'ghan xéridarlar jehetlerdin ürümchi yermenkisi, gu'angju yermenkiliridin köp arqida bolushigha qarimay, qeshqer yermenkisidimu körünerlik netijiler hasil qilin'ghanliqi mu'eyyenleshtürülmekte.

Shinxu'a agéntliqining uchuridin qarighanda, jem'iy üch qétim ötküzülgen bu yermenkide 391 tür boyiche 14 milyard yüen qimmitide soda kélishimi tüzülgen. Xitay hökümiti qeshqerni xitayning sherqiy rayonlirining mallirini gherb terepke chiqirishtiki muhim baza, gherbiy ellerning mallirini sherqqe kirgüzüp sétishtiki merkez qilish pilanini tüzgen bolup, shu meqset bilen qeshqerni xitayning gherbiy teripidiki shénjén qilish üchün tirishmaqta.

Qeshqer hindistan, tajikistan, pakistan, qirghizistan, afghanistan qatarliq besh dölet bilen chégrilinishtek muhim jughrapiyilik ewzellikke ige. Bu hal xitayning kelgüsidiki jenubiy asiya, hindi okyan döletliri, ottura we gherbiy asiya herbiy - siyasi hem iqtisadiy shuningdek énérgiye istratégiyiside muhim rol oynaydighanliqini körsitidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.