Wén jiyabaw aqayéfning Uyghurlarni basturushqa yardemleshkinige rehmet éytti


2004-09-22
Share

Qirghizistanda ziyarette boliwatqan xitay bash ministiri wén jiyabaw charshenbe küni qirghizistan prézidénti esqer aqayéf bilen körüshüp, uning "bir xitay" prinsipida ching turup, atalmish "Uyghur bölgünchi" lirini basturushqa yardemleshkenlikige rehmet éytti.

Wén jiyabaw yene, qirghizistan bash ministiri nikolay tanayéf bilen uchrashqandimu, "sherqiy türkistan" teshkilatlirini öz ichige 3 xil küchke zerbe bérishning xitay-qirghizistan munasiwetliridiki muhim nuqta ikenlikini eskertken.

Amérika birleshme axbarat agéntliqining xewer qilishiche, prézidént esqer aqayéf bu uchrishishta, wén jiyabawdin qirghizistanning su éléktr qurulushi üchün 2 milyard amérika dolliri meblegh sélishni telep qildi.

Shundaqla wén jiyabaw seyshenbe küni tanayéf bilen 10 yilliq hemkarliq programmisigha qol qoydi. Bu programma 18 sahediki yüz nechche xil türdin teshkil tapqan bolup, hetta térrorchiliqqa qarshi köreshnimu öz ichige alidiken. Xitay yene qirghizistanning islahatigha yardem qilish namida 6 milyon amérika dolliri pul bergen. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet