Dunya Uyghur qurultiyi kuchada qizlirini qoghdighan ata - anilarning bésiqturulghanliqini eyiblidi


2007-07-20
Share

Dunya Uyghur qurultiyi, Uyghur ilining kucha nahiyiside qizlirini ichkiri ölkige yötkeshke qarshi chiqqan ata - anilarning basturulghanliqini eyiblidi. Dunya Uyghur qurultiyi bayanatchisi dilshat rishit jüme küni bayanat élan qilip," bu weqe xitay da'irilirining Uyghur qizlarni ichkirige yötkeshte néme meqsedke yetmekchi boluwatqanliqini ashkarilidi " deydu.

Dilshat rishitning eskertishiche, Uyghur qizlirini mejburiy wastilar bilen ichkirige yötkesh siyasiti ulargha xizmet tépish mesilisi emes. Belki siyasi arqa körünüshke ige yaman gherezlik pilandur " u yene , "eger bu pilan xizmet tépip bérishni meqset qilsa, ular néme üchün shu jayning özide xizmetke orunlashturulmaydu ? " dep soridi.

Radi'omizning igilishiche , yéqinqi ikki hepte ichide kucha nahiyisidiki dihqanlar nahiyilik hökümetning erziyet ishxanisigha kélip, qizlirini ichkirige yötkeshke qarshi chiqqan. Kucha nahiyisining hakimi hüsenjan memtimin weqening erziyet weqesi ikenlikini bildürdi. Lékin beziler dihqanlarning namayish qilghanliqini bildürmekte.

Kuchadiki xewerdar erbaplarning eskertishiche, weqe yüz bergendin kéyin, aqsu wilayetlik dölet we jama'et xewpsizlik organliri kuchagha yardemchi saqchilarni ewetip, kucha nahiyisidiki her qaysi organlardin weqening ashkarilinip kétishidin qet'iy saqlinishni telep qilghan. Da'iriler weqede kishilerning qolgha élin'ghanliqini ret qilmaqta. Dilshat rishit, xitay da'irilirini Uyghurlarning tallash erkinlikige hörmet qilishqa chaqirdi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet