Хитай даирилири әкрәм әйсайопниң шинҗаң қолмақ ширкитиниң пай чекини сатти

Хитай даирилири, шинҗаң қолмақ ширкитиниң тәртипкә селинғанлиқини җакарлап, ширкәтниң бир қисим пай чекини хитайниң ләнҗйән ширкәтләр гуруһи билән данийиниң карлсберг бреверс ширкитигә сатқанлиқини қилди. Уйғур аптоном райониниң муавин рәиси чен лей 17 - феврал күни чақирған мухбирларни күтүвелиш йиғинида, " шинҗаң қолмақ һәссидарлиқ чәклик ширкити мувапиққийәтлик өзгәртип тәшкил қилинғандин кейин, ләнҗйән вә чарлсберг бреверс ширкәтлириниң илтимаси акасийә назарәт комитети тәрипидин қобул қилинди. Қануний рәсмийәтләр беҗирилмәктә" дәйду.

Шинхуа ахбарат агентлиқиниң әскәртишичә, ләнҗйән ширкәтләр гуруһи билән данийә ширкити шинҗаң қолмақ һәссидарлиқ чәклик ширкитиниң 09.46 Пирсәнт пай чекини сетивалған. Буниң үчүн тәрәпләрниң 370 милйон йүән мәбләғ тәйярлиғанлиқи билдүрүлди. Өткән йили 12 - айда хуа роң, чаңчиң, дуңфаң вә җуңго йеза игилик банкиси қатарлиқ қәрздар ширкәтләр вә капаләтчи карханилар шинҗаң қолмиқи билән ширкәт пай чекини ләнҗйән гуруһи вә карлсберг бреверс ширкитигә өткүзүп бериш мәсилиси бойичә келишим имзалиған.

Хитай һөкүмити ширкәтниң баш мудири әкрәм әйсайопни 2003 - йили 10 - айниң 30 - күни "рухсәтсиз кетип қалди," дәп елан қилип, ширкәтниң қанунға уйғун болмиған йоллар билән 197 милйон доллар қәрз алғанлиқини җакарлиғандин кейин, әкрәм әйсайопниң канадаға кәткәнлики мәлум болған иди. Әмма вәзийәттин хәвәрдар әрбапларниң ашкарилишичә, әйни чағда әкрәм "рухсәтсиз кетип қалмиған " у, канадаға аилә - тавабатини апирип қоюш үчүн барған болуп, буниңдин ширкәт хадимлириниң хәвири бар икән. Әмма хитай даирилири уни "рухсәтсиз кетип қалди," дәп елан қилғандин кейин, у хитайға қайтип китишкә амалсиз қалған болуши мумкин.

Вәзийәттин хәвәрдар әрбаплар, ширкәт мудирини қанунсиз йоллар билән қәрз алди, дәп әйибләшниң ишәнчлик дәриҗиси гуманлиқ, дәп қаримақта. Уларниң әскәртишичә, ширкәт даирилири 2003 - йили 30 - өктәбирдә елан қилған баянатида, әкрәм әйсайопни 28 -" өктәбир шәнбә күни мудирийәт йиғиниға кәлмигәндин кейин алақимиз үзүлүп қалди, " дәп җакарлиған болсиму, әмма шу күни ширкәтниң күнтәртипдә мудирийәт йиғини ечиш пилани болмиған. (Әркин)