Xitay da'iriliri ekrem eysayopning shinjang qolmaq shirkitining pay chékini satti

Xitay da'iriliri, shinjang qolmaq shirkitining tertipke sélin'ghanliqini jakarlap, shirketning bir qisim pay chékini xitayning lenjyen shirketler guruhi bilen daniyining karlsbérg bréwérs shirkitige satqanliqini qildi. Uyghur aptonom rayonining mu'awin re'isi chén léy 17 - féwral küni chaqirghan muxbirlarni kütüwélish yighinida, " shinjang qolmaq hessidarliq cheklik shirkiti muwapiqqiyetlik özgertip teshkil qilin'ghandin kéyin, lenjyen we charlsbérg bréwérs shirketlirining iltimasi akasiye nazaret komitéti teripidin qobul qilindi. Qanuniy resmiyetler béjirilmekte" deydu.

Shinxu'a axbarat agéntliqining eskertishiche, lenjyen shirketler guruhi bilen daniye shirkiti shinjang qolmaq hessidarliq cheklik shirkitining 09.46 Pirsent pay chékini sétiwalghan. Buning üchün tereplerning 370 milyon yüen meblegh teyyarlighanliqi bildürüldi. Ötken yili 12 - ayda xu'a rong, changching, dungfang we junggo yéza igilik bankisi qatarliq qerzdar shirketler we kapaletchi karxanilar shinjang qolmiqi bilen shirket pay chékini lenjyen guruhi we karlsbérg bréwérs shirkitige ötküzüp bérish mesilisi boyiche kélishim imzalighan.

Xitay hökümiti shirketning bash mudiri ekrem eysayopni 2003 - yili 10 - ayning 30 - küni "ruxsetsiz kétip qaldi," dep élan qilip, shirketning qanun'gha uyghun bolmighan yollar bilen 197 milyon dollar qerz alghanliqini jakarlighandin kéyin, ekrem eysayopning kanadagha ketkenliki melum bolghan idi. Emma weziyettin xewerdar erbaplarning ashkarilishiche, eyni chaghda ekrem "ruxsetsiz kétip qalmighan " u, kanadagha a'ile - tawabatini apirip qoyush üchün barghan bolup, buningdin shirket xadimlirining xewiri bar iken. Emma xitay da'iriliri uni "ruxsetsiz kétip qaldi," dep élan qilghandin kéyin, u xitaygha qaytip kitishke amalsiz qalghan bolushi mumkin.

Weziyettin xewerdar erbaplar, shirket mudirini qanunsiz yollar bilen qerz aldi, dep eyibleshning ishenchlik derijisi gumanliq, dep qarimaqta. Ularning eskertishiche, shirket da'iriliri 2003 - yili 30 - öktebirde élan qilghan bayanatida, ekrem eysayopni 28 -" öktebir shenbe küni mudiriyet yighinigha kelmigendin kéyin alaqimiz üzülüp qaldi, " dep jakarlighan bolsimu, emma shu küni shirketning küntertipde mudiriyet yighini échish pilani bolmighan. (Erkin)