قورغاس ناھىيىسىدە يۈز بەرگەن كەلكۈن ئاپىتىدە 7 ئوقۇغۇچى ئۆلدى

ئۇيغۇر ئېلىنىڭ قورغاس ناھىيىسى چىڭسىخوزا بازىرىدا ئالدىنقى كۈنى تۇيۇقسىز كەلكۈن ئاپىتى يۈز بېرىپ، مەكتەپتىن قايتىۋاتقان ئوقۇغۇچىلاردىن 7 نەپەر ئۆسمۈرنى كەلكۈن ئېلىپ كەتكەن، ئوقۇغۇچىلاردىن بىرىنىڭ ھازىرغا قەدەر ئىز ‏ - دېرىكى تېپىلمىغان.
مۇخبىرىمىز ئەركىن خەۋىرى
2008.05.02

 ۋەقە 4 ‏ - ئاينىڭ 30 ‏ - كۈنى يۈز بەرگەن بولۇپ، شۇ كۈنى چۈشتىن كېيىن سائەت 7:00 لەردە چىڭسىخوزا بازىرىنىڭ غەربىي 2 ‏ - كەنتىدە ئولتۇرىدىغان ئوقۇغۇچىلاردىن 15 نەپەر ئۆسمۈر مەكتەپتىن قايتىپ كېلىۋاتقان ئىكەن. ئوقۇغۇچىلار ئۆتەر يولدىكى بىر سايدىن ئۆتۈۋاتقاندا تۇيۇقسىز كەلكۈن كېلىپ كېلىپ، ئوقۇغۇچىلاردىن 7 ئۆسمۈرنى ئېقىتىپ كەتكەن.

شىنخۇا ئاخبارات ئاگېنتلىقىنىڭ بۇ ھەقتىكى بىر خەۋىرىدە يەرلىك دائىرىلەرنىڭ 7 نەپەر ئوقۇغۇچىنىڭ جەسىتىنى سۈزۈۋالغانلىقى، بىر ئوقۇغۇچىنىڭ ھازىرغا قەدەر ئىز ‏ - دېرىكى تېپىلمىغانلىقىنى بىلدۈردى. لېكىن خەۋەردە ئۆلگەن ۋە ئىز ‏ - دېرەكسىز يوقاپ كەتكەن ئوقۇغۇچىلارنىڭ مىللىي تەۋەلىكى تىلغا ئېلىنمىدى.

ئىگىلىشىمىزگە قارىغاندا، كەلكۈن ئاپىتى بۇنىڭدىن بۇرۇن ياققان قارا يامغۇر سەۋەبىدىن يۈز بەرگەن. يەرلىك دائىرىلەر قۇتقۇزۇش خىزمىتىگە 400 كىشىنى سەپەرۋەر قىلغان بولۇپ، ھازىرغا قەدەر ئىز ‏ - دېرىكى تېپىلمىغان ئوقۇغۇچىنى ئىزدىمەكتە ئىكەن.
ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
ئۇيغۇر خەۋەرلىرى
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.