Хитай һөкүмити маарипни хитайчилаштурушта қолға кәлтүргән "нәтиҗилири" дин махтанмақта


2005.01.23

Турпан вилайити миллий маарипни хитайчилаштуруш қәдимини йәниму тезлитип, һөкүмәт тармиқидики барлиқ йәслиләрдә уйғур қатарлиқ хитай болмиған милләт балилирини, хитай тилида тәрбийиләшни асасән әмәлгә ашурған.

Хитай һөкүмитигә қарашлиқ тәңритағ тор бетиниң хәвиридә, бу, турпан вилайитиниң "қош тиллиқ" маарипни йеңи бир балдаққа көтүргәнликиниң ипадиси дәп көрситилгән. Турпан вилайәтлик йәслиниң башлиқи җавлиң, өзлириниң қолға кәлтүргән нәтиҗилирини сөзләп, "балилирини бизниң йәслигә әвәтип, хитай тилида тәрбийиләшни халайдиған миллий ата- аниларниң сани барғансири көпийиватиду" дигән.

Буниңдин сирт, хитай даирилириниң көрситишичә, турпан вилайитидә миллий башланғуч- оттура мәктәпләрдә хитай тилини асас қиливатқан "қош тиллиқ" синипларниң сани 72 дин ешип, үч миңдәк оқуғучи бу синипларға оқуватқан икән.

Хитай һөкүмитиниң уйғур елидә елип бериватқан маарипни хитайчилаштуруш сиясити, уйғур зиялийлири вә кишилик һоқуқ паалийәтчилириниң қаттиқ әйиблишигә учрап кәлмәктә.

Чәтәлдики уйғур тәшкилатлири хитай һөкүмитиниң йәслидин башлап уйғур балилирини хитайчә тәрбийилиши, уйғурларни асмлатсийә қилишни күчәйткәнликиниң рошән дәлили икәнликини билдүрүп, буниң хитайниң асасий қануниға хилап икәнликини көрсәтти һәмдә ата- аниларни имканийәтниң беричә, ана тил тәрбийисини күчәйтишкә чақирди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.