Xitay hökümiti ma'aripni xitaychilashturushta qolgha keltürgen "netijiliri" din maxtanmaqta
2005.01.23
Turpan wilayiti milliy ma'aripni xitaychilashturush qedimini yenimu tézlitip, hökümet tarmiqidiki barliq yeslilerde Uyghur qatarliq xitay bolmighan millet balilirini, xitay tilida terbiyileshni asasen emelge ashurghan.
Xitay hökümitige qarashliq tengritagh tor bétining xewiride, bu, turpan wilayitining "qosh tilliq" ma'aripni yéngi bir baldaqqa kötürgenlikining ipadisi dep körsitilgen. Turpan wilayetlik yeslining bashliqi jawling, özlirining qolgha keltürgen netijilirini sözlep, "balilirini bizning yeslige ewetip, xitay tilida terbiyileshni xalaydighan milliy ata- anilarning sani barghansiri köpiyiwatidu" digen.
Buningdin sirt, xitay da'irilirining körsitishiche, turpan wilayitide milliy bashlan'ghuch- ottura mekteplerde xitay tilini asas qiliwatqan "qosh tilliq" siniplarning sani 72 din éship, üch mingdek oqughuchi bu siniplargha oquwatqan iken.
Xitay hökümitining Uyghur élide élip bériwatqan ma'aripni xitaychilashturush siyasiti, Uyghur ziyaliyliri we kishilik hoquq pa'aliyetchilirining qattiq eyiblishige uchrap kelmekte.
Chet'eldiki Uyghur teshkilatliri xitay hökümitining yeslidin bashlap Uyghur balilirini xitayche terbiyilishi, Uyghurlarni asmlatsiye qilishni kücheytkenlikining roshen delili ikenlikini bildürüp, buning xitayning asasiy qanunigha xilap ikenlikini körsetti hemde ata- anilarni imkaniyetning bériche, ana til terbiyisini kücheytishke chaqirdi. (Arzu)
Munasiwetlik maqalilar
- Wang léchü'en ma'arip sahesidiki idé'ologiye xizmitini kücheytishni tekitlidi
- Kéler yildin bashlap Uyghur élidiki barliq ali mekteplerde dersler pütünley xitayche ötülmekchi
- Wang léchu'en qosh tilliq ma'aripni ching tutushni qayta tekitlidi
- Kariz xewp astida qaldi
- Bingtü'en qomdandani, bingtu'enning kéngeytilishini telep qildi
- "Bügünki amérika" gézitide xitayning "gherbni échish" siyasitining esli qiyapiti ashkare qilindi
- Az sanliq millet kadirlirini terbiyilesh kursi échilghanliqining 50 yilliqi tebriklendi