قەشقەردە كادىرلارغا قارىتىلغان خىتاي تىلى تەربىيىسى كۈچەيتىلمەكتە


2005-04-26
Share

قەشقەر ۋىلايىتى ئۆتكەن يىلى خىتاي تىلى لاياقەت ئىمتىھانىدىن ئۆتمىگەن بىر قىسىم يېزا- كەنتلەرنىڭ باشلىقلىرىنى خىزمىتىدىن شاللىۋەتتى.

قەشقەر ۋىلايەتلىك ھۆكۈمەت ئۇچۇر تورىنىڭ خەۋىرىدىن ئاشكارىلىنىشىچە، قەشقەر ۋىلايىتى ئۆز تەۋەلىكىدىكى 167 يېزا-كەنتلەرنىڭ ئۈچ يۈزدىن ئارتۇق بىرىنجى قول مەسئۇللىرىدىن " قوش تىللىق" ئىمتىھان ئېلىپ، لاياقەتلىك بولمىغانلارنى خىزمىتىدىن يۆتكىگەن. ئەمما، خەۋەردە قانچە كادىرنىڭ بۇ سەۋەبتىن خىزمىتىدىن شاللانغانلىقى تىلغا ئېلىنمىغان.

خەۋەردە كۆرسىتىلىشىچە، قەشقەر ۋىلايەتلىك تەشكىلات بۆلۈمى بۇ ئارقىلىق، مىللىي كادىرلارنىڭ خىتاي تىلى ئۆگىنىش " قىزغىنلىقى ۋە ئاكتىپچانلىقى" نى ئاشۇرغان. ئۇلار يەنە كىيىنكى بەش يىل ئىچىدە قەشقەردىكى 45 ياشتىن تۆۋەن " قوش تىللىق" بولمىغان 40 مىڭغا يېقىن كادىرنى " قوش تىللىق" قىلىپ تەربىيىلەش خىزمىتىنى تاماملاشنى پىلانلىماقتا ئىكەن.

قەشقەر ۋىلايەتلىك ھۆكۈمەتتە نۆۋەتچىلىك قىلىۋاتقان بىر خادىم، تېلېفون زىيارىتىمىزنى قوبۇل قىلىپ، قەشقەردە پەقەت مىللىي كادىرلارغىلا " خىتاي تىلى" ئۆگىنىش تەلىپى قويۇلىۋاتقانلىقىنى بىلدۈردى، خىتايلارغا ئۇيغۇر تىلى ئۆگىنىش تەلىپى قويۇلمىغانلىقىنى ئېيتتى.

بۇنىڭ ئالدىدا، رادىئومىزنىڭ ھەقسىز لىنىيىسىگە تېلېفون قىلغان بىر قىسىم كىشىلەر، ئۇيغۇر ئېلى تەۋەسىدە خىتاي تىلى بىلمىگەن نۇرغۇن مىللىي ئوقۇتقۇچىلار ۋە كادىرلارنىڭ خىزمىتىدىن ئايرىلىش تەھدىدىگە دۈچ كېلىۋاتقانلىقىنى، خىتاي تىلىنى بىلىشنىڭ نۆۋەتتە خىزمەت تېپىشتىكى ئەڭ مۇھىم ئۆلچەمگە ئايلىنىپ قالغانلىقىنى ئىنكاس قىلغان ئىدى. (ئارزۇ)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت