Qeshqerde kadirlargha qaritilghan xitay tili terbiyisi kücheytilmekte


2005.04.26

Qeshqer wilayiti ötken yili xitay tili layaqet imtihanidin ötmigen bir qisim yéza- kentlerning bashliqlirini xizmitidin shalliwetti.

Qeshqer wilayetlik hökümet uchur torining xewiridin ashkarilinishiche, qeshqer wilayiti öz tewelikidiki 167 yéza-kentlerning üch yüzdin artuq birinji qol mes'ulliridin " qosh tilliq" imtihan élip, layaqetlik bolmighanlarni xizmitidin yötkigen. Emma, xewerde qanche kadirning bu sewebtin xizmitidin shallan'ghanliqi tilgha élinmighan.

Xewerde körsitilishiche, qeshqer wilayetlik teshkilat bölümi bu arqiliq, milliy kadirlarning xitay tili öginish " qizghinliqi we aktipchanliqi" ni ashurghan. Ular yene kiyinki besh yil ichide qeshqerdiki 45 yashtin töwen " qosh tilliq" bolmighan 40 minggha yéqin kadirni " qosh tilliq" qilip terbiyilesh xizmitini tamamlashni pilanlimaqta iken.

Qeshqer wilayetlik hökümette nöwetchilik qiliwatqan bir xadim, téléfon ziyaritimizni qobul qilip, qeshqerde peqet milliy kadirlarghila " xitay tili" öginish telipi qoyuliwatqanliqini bildürdi, xitaylargha Uyghur tili öginish telipi qoyulmighanliqini éytti.

Buning aldida, radi'omizning heqsiz liniyisige téléfon qilghan bir qisim kishiler, Uyghur éli teweside xitay tili bilmigen nurghun milliy oqutquchilar we kadirlarning xizmitidin ayrilish tehdidige düch kéliwatqanliqini, xitay tilini bilishning nöwette xizmet tépishtiki eng muhim ölchemge aylinip qalghanliqini inkas qilghan idi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.