Қаримай техника ишчилар мәктивиниң миллий оқутқучилири қийин әһвалда қалди


2005-04-27
Share

Германийидики шәрқий түркистан учур мәркизиниң радиомизға йәткүзгән хәвиридин мәлум болишичә, қаримай шәһәрлик техника ишчилар мәктивиниң 70 кә йеқин миллий оқутқучиси хитайчә сәвийини синаш бир туташ имтиһанида 8 - дәриҗидин өтәлмигәнлики үчүн, мәктәп уларни дәрс өтүштин тохтитип, ишик беқиш, от-чөп кесиш вә тазилиқ қилишқа охшаш ишларға орунлаштурған.

Мәзкур мәктәптә җәмий 400 гә йеқин оқутқучи бар болуп, буларниң 73 и миллий оқутқучи икән. Шундақла һазир уларниң арисидики пәқәт 6 нәпәр миллий оқутқучила техника дәриси өтидикән. Қалғанлардин әр оқутқучилар ишик беқиш, от-чөш кесиш ишлирини қилса, аял оқутқучилар каридор вә ашханиларни тазилаш һәмдә деризә сүртүшкә охшаш тазилиқ ишлирини қилидикән.

Шәрқий түркистан учур мәркизиниң билдүришичә, гәрчә уларниң арисидики йәнә икки нәпәр хитайчә дәрс беридиған миллий аял оқутқучи 8 - дәриҗидин өткән болсиму, әмма мәктәп уларни йәнила дәрс өткүзмәй мәхсус һаҗәтхана тазилаш ишиға қойған. Уларниң бири уйғур гүлнар тохтинияз, йәнә бири болса қазақ айгүл һүсийин икән.

Мәзкур агентлиқ йәнә, қаримай шәһәрлик техника ишчилар мәктивиниң бу миллий оқутқучиларға 3 йилниң ичидә 8 - дәриҗидин өтиши керәкликини шәрт қилип, әгәр өтәлмисә, уларниң һәммисини хизмитидин тохтитилидиғанлиқини агаһландурған. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт