Qarimay téxnika ishchilar mektiwining milliy oqutquchiliri qiyin ehwalda qaldi


2005.04.27
Share on WhatsApp
Share on WhatsApp

Gérmaniyidiki sherqiy türkistan uchur merkizining radi'omizgha yetküzgen xewiridin melum bolishiche, qarimay sheherlik téxnika ishchilar mektiwining 70 ke yéqin milliy oqutquchisi xitayche sewiyini sinash bir tutash imtihanida 8 - derijidin ötelmigenliki üchün, mektep ularni ders ötüshtin toxtitip, ishik béqish, ot-chöp késish we taziliq qilishqa oxshash ishlargha orunlashturghan.

Mezkur mektepte jem'iy 400 ge yéqin oqutquchi bar bolup, bularning 73 i milliy oqutquchi iken. Shundaqla hazir ularning arisidiki peqet 6 neper milliy oqutquchila téxnika derisi ötidiken. Qalghanlardin er oqutquchilar ishik béqish, ot-chösh késish ishlirini qilsa, ayal oqutquchilar karidor we ashxanilarni tazilash hemde dérize sürtüshke oxshash taziliq ishlirini qilidiken.

Sherqiy türkistan uchur merkizining bildürishiche, gerche ularning arisidiki yene ikki neper xitayche ders béridighan milliy ayal oqutquchi 8 - derijidin ötken bolsimu, emma mektep ularni yenila ders ötküzmey mexsus hajetxana tazilash ishigha qoyghan. Ularning biri Uyghur gülnar toxtiniyaz, yene biri bolsa qazaq aygül hüsiyin iken.

Mezkur agéntliq yene, qarimay sheherlik téxnika ishchilar mektiwining bu milliy oqutquchilargha 3 yilning ichide 8 - derijidin ötishi kéreklikini shert qilip, eger ötelmise, ularning hemmisini xizmitidin toxtitilidighanliqini agahlandurghan. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.