Хитай сиясий мәслиһәт кеңишиниң йиғинида уйғурлар хитай тили маарипини күчәйтиш тоғрисида тәклип сунмақчи


2006.03.03
Share on WhatsApp
Share on WhatsApp

Хитай сиясий мәслиһәт кеңишиниң җүмә күни бейҗиңда башланған мәмликәтлик йиғини тәйвән мустәқиллиқиға қарши агаһландуруш бәрди вә хитайда "инақ җәмийәт" бәрпа қилишқа чақирди. Шуниң билән биргә хәлқ қурултийиниң йиғиниға қатнишидиған бәзи уйғур вәкилләр хитай тили маарипини күчәйтиш тоғрисида тәклип лайиһиси сунмақчи болған.

Хитай сиясий мәслиһәт кеңишиниң 2200 кишилик мәмликәтлик вәкилләр йиғини11 күн давамлишиду. Сиясий мәслиһәт кеңиши хитай парламентиниң төвән палатаси һесаблансиму, әмма һөкүмәтниң сиясий пиланлирини рәт қилиш һоқуқиға игә әмәс.

Парламентниң юқири палатаси болған хәлқ қурултийиниң мәмликәтлик йиғини йәкшәнбә күни башлиниду. Сиясий мәслиһәт кеңишиниң ечилиш мурасимида рәис җя чиңлин, "биз ' тәйвән мустәқиллиқиға ' сөкүт қилмаймиз" дәп әскәртип, тәйвән президенти чен шүйбйәнни агаһландурди.

Йиғинда сиясий мәслиһәт кеңишини авам пуқраларниң иҗтимаий параванлиқи вә турмуш әһвалиға техиму чоңқур көңүл бөлүшкә чақирған җя чиңлин, вәкилләрни дөләт рәһбәрлириниң 'инақ җәмийәт' бәрпа қилиш чақириқиға аваз қошушқа үндиди. У, " биз ..... Кәң аммиға чөкүшимиз, хәлқни иттипақлаштуруп, уларниң үмид, тәләплиригә җаваб беришимиз, қийинчилиқини һәл қилишимиз керәк " дәйду.

Ройтерс ахбарат агентлиқиниң хәвәр қилишичә, бәзи вәкилләр бәччивазларни кәмситишкә қарши туруш вә уларниң той қилишини қоғдаш тоғрисида тәклип бәрмәкчи, бәзиләр аммивий сорунларда тамака чекишни чәкләш тоғрисида тәклип лайиһиси сунмақчи икән.

"Шинҗаң гезити", пәйшәнбә күнки хәвиридә уйғур қурултай вәкили абдулла аббасниң йиғинда уйғурларға хитай тили маарипини күчәйтиш тоғрисида тәклип лайиһиси сунидиғанлиқини хәвәр қилди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.