Ваң лечүән уйғур өсмүрлиригә хитай тили өгитиш хизмитини изчил түрдә күчәйтишни тәкитлиди
2006.05.18
Хитай һөкүмитиниң уйғур аптонум райониған бекиткән рәһбири ваң лечүән йеқинда, уйғур балилириға хитай тили үгитиш хизмитини қилчә бошашмастин изчил давамлаштуруш керәкликини оттуриға қойди.
Тәңритағ хәвәр ториниң 18 - май күни бәргән хәвиридин ашкарилинишичә, ваң лечүән , уйғур аптонум районидики хитайчә оқутуш толуқсиз синиплирини көздин кәчүрүш давамида, хитайчә толуқсиз оттура мәктәпләрниң оқутуш сәвйисини алаһидә юқири көтүрүшни бу арқилиқ аз санлиқ милләтләр маарипи үчүн төһпә қошушни тәкитлигән.
Хәвәрдин мәлум болушичә, үрүмчидики 66 - оттура мәктәп, 15 - оттура мәктәп, санҗи 2 - оـтура мәктәплири ноқул хитай тилида оқутуш елип баридиған мәктәпләр болуп, бирақ бу мәктәпләрдә көплигән уйғур оқуғучилар хитай маарипи билән тәрбийәләнмәктә.
Дуня уйғур қурултийиниң баянатчиси дилшат ришитниң ейтишичә, хитай һөкүмити уйғур оқуғучиларни түркүм - түркүмләп хитайниң ичкири өлкилиригә апирип, хитай тилида оқутуш елип барғандин сирт, уйғур аптонум райони ичидиму бу хил оқутуш түзүмини күчәйтиш тәдбирини елип бармақта икән. Униң ейтишичә , хитай һөкүмиитниң мәқсиди, мушу хил усул билән уйғур маарипини пүтүнләй әмәлдин қалдуруш пиланини ишқа ашуруштин ибарәт икән.
Дилшат ришит сөзидә йәнә": чәтәлләрдә паалийәт елип бериватқан уйғур тәшкилатлири, хитай һөкүмитиниң бу мәқсидини ишқа ашурушиға һәргиз қарап турмайду, хәлқара қанунму, хитайниң милли маарипи тәрәққи қилған бир милләтни тилини чәкләш арқилиқ йоқутуш сияситигә һәргиз йол қоймайду. Биз чоқум буниң алдини елиш үчүн тохтимастин паалийәт елип беримиз " деди. (Әқидә)
Мунасивәтлик мақалилар
- Ваң лечүән мәмликәт ичи вә сиртидики "үч хил күч" кә қарши йәнә сәпәрвәрлик елан қилди
- Җяңсу "шинҗаң толуқ оттура синиплири" ға оқуғучи қобул қилиш көлимини кеңәйтти
- Ваң лечүән илида йәнә уйғур мустәқилчилиригә зәрбә беришни тәләп қилди
- Уйғур аптоном райониниң секритари ваң лечүән иранни зиярәт қилди
- Хитай сиясий мәслиһәт кеңишиниң йиғинида уйғурлар хитай тили маарипини күчәйтиш тоғрисида тәклип сунмақчи